ජයනාථ එක ඇසිල්ලකින් දුන්නු දරු සම්පත භාර නොගෙන අත ඇරියෙ දරුවා සුජාත නොවිච්ච නිසා. සුජාත කියන්නේ කසාදෙ. ජයනාථ පියා නෙවෙයි. ඒත් බීජය ඔහුගෙයි. ජයනාථ පියා නොවෙන්නෙ කසාදය නැති නිසා. කසාදය නැති වුණාට නූපා මව තමයි. කසාදය තිබුණත් නූපා මව - නොතිබුණත් නූපා මව. සමාජගත නියමය...
මේ එක තැනක් විතරයි. මේ වගේ හිත කොනිත්තපු තැන් මහ ගොඩක් කන්දක් සේ මා නව කතාව කියවද්දි මුණ ගැහුණා. සමහර වෙලාවට කදුළු පිරැණා, සමහර වෙලාවට තනියම හිනා වුණා. ගැහැණු සිතක ඉපිද නැතිවෙන සිතුවිලි අපිළිවෙලට පෙළ ගස්වලා තිබුණු ඒ කතාව මට දැනුණේ මගේම කතාව වගේ. ඒ, නූපා තරමට දුකක් නොවින්දට, නූපාට තරම්ම මටත් ඉදිහිට ජීවිතේ එපා වෙන නිසා වෙන්න ඇති.
No comments:
Post a Comment